Témoignage de l’Ile Maurice

Mo temwin Marie

Marie ena "enn karentenn banan e "

Li mama 2 zanfan

Sa fer 3 zan depi ki li pe res dan lari

E ki so 2 zanfan nepli avek li.

Avan li ti pe res dan enn ti lakaz

Propriyeter finn met li deor

Purtan li ti pe pey so lokasyon tu le mwa

Marie ti kontan pu kre enn fwaye

Me kan so kopin ti su / ti ena tapaz / propriyeter pann kontan

Propryeter inn aret pran kas lokasyon

Propriyeter inn met Marie ek su zanfan lor sime

Zordi Marie lor sime / kan li pu kwi manze

Li bizin lapes su bann baltann / so baltann gard enn lakaz abandone

Lakaz la ferme par enn gril / Marie pa kapav rant andan

Ena enn baton ek enn kroll pu li tir so baltann

Ek puli ramas zot apre

So larmwar se so sak ki li servi aswar kuma lorye

Si li pu met sak la anba so laref /kan li dormi dan sime kapav perdi tu

Kan li malad li gagn fre / li bizin dormi lor katon dan ti suley

Dimunn krwar li pa pran kent so zanfan

Me Marie kan li gagn enn ti kas

Suvan aste linz nef pu so zanfan/ alor ki dimunn donn li vye linz

Mari suvan aste bann ti kiksoz donn mwa garde

Pu enn zur kan li gagn enn lakaz

Li finn enrezistre so nom / pu resansman bann dimunn san lakaz

Li ena bel lespwar lor la

Mo relasyon ek Marie li tuzur enn relasyon egal a egal

Kan li bizin enn depanaz / li tuzur ranburs mwa zur ki linn dir

Li parmi bann rar dimunn ki tuzur pran mo nuvel ek nuvel mo fami

Alor ki la plipar dimunn tuzur koz zis zot maladi ek mwa

Suvan dimunn dir mwa al koz ar li paski li bwar

Me kan nu zwenn ansam

Nu asize e li koz so rev so dezir pu enn meyer lavi.